ՀՀ ԱԳՆ-ն ցավակցություն է հայտնել իսրայելա-պաղեստինյան հակամարտության զոհերին

Ցնցված ենք պաղեստինցիների և Իսրայելի միջև տեղի ունեցող բռնություններից և քաղաքացիական բնակչության թիրախավորումից։ Այդ մասիին թվիթերյան էջում գրում է ՀՀ ԱԳՆ-ն՝ ցավակցություն հայտնելով իսրայելա-պաղեստինյան հակամարտության զոհերի հարազատներին․

«Ցավակցություն ենք հայտնում զոհվածների հարազատներին և շուտափույթ ապաքինում վիրավորներին: Մենք միանում ենք բռնությունը դադարեցնելու միջազգային կոչերին»,- ասվում է հաղորդագրության մեջ։