Նուբարաշենի բանտում կալանավորը կարել է բերանը
Հասարակություն
Արտակարգ դեպք՝ Նուբարաշենի բանտում. կալանավորը, դժգոհ քրեակատարողական հիմնարկի բուժանձնակազմից, հայտարարել է հացադուլ, ջրադուլ, իսկ հետո թելով կարել է բերանը
SHAMSHYAN.com-ի տեղեկություններով Հայաստանի Քննչական կոմիտեի Երևան քաղաքի քննչական վարչության Էրեբունի և Նուբարաշեն վարչական շրջանների քննչական բաժնում ՀՀ քրեական օրենսգրքի 187 հոդվածի 1-ին մասի (բուժաշխատողի կողմից մասնագիտական պարտականությունները չկատարելը կամ ոչ պատշաճ կատարելը) հատկանիշներով նախաձեռնվել է քրեական վարույթ։
Քրեական վարույթը նախաձեռնվել է ՀՀ Արդարադատության նախարարության քրեակատարողական ծառայության «Նուբարաշեն» քրեակատարողական հիմնարկի կալանավոր Նիկոլայ Խաչիկյանի հաղորդման հիման վրա։
Աղբյուրի հաղորդմամբ՝ Ն. Խաչիկյանը հայտնել է, որ ինքը 2 ամիս է կալանավորված է և ունի բազմաթիվ առողջական խնդիրներ, սակայն պատշաճ բուժօգնություն չի ստանում։ Քրեակատարողական հիմնարկի բժշկական ստորաբաժանման ղեկավար Նաիրա Բաբայանը դրսևորում է անգործություն, չի կատարում իր մասնագիտական պարտականությունները, որի հետևանքով ինքը ներկայումս գտնվում է հացադուլի և ջրադուլի մեջ, իսկ սեպտեմբերի 22-ին բերանը թելով կարել է:
Ամենադիտված 
Հունվարից երևանցին վճարելու է ամենաթանկ սակագինը տրանսպորտային երթևեկության համար
