Պատուհանից երեխան մարմնով կիսով չափ առաջ է եկել, կա ընկնելու վտանգ. օգնության են հասել փրկարարները

Հոկտեմբերի 19-ին, ժամը 12:44-ին Ճգնաժամային կառավարման ազգային կենտրոն ահազանգ է ստացվել, որ Երևանի Տարոնցի փողոցի թիվ 1-ին շենքի 5-րդ հարկի բնակարաններից մեկի պատուհանից երեխան մարմնով կիսով չափ առաջ է եկել, կա ընկնելու վտանգ. բնակարանի դուռը փակ է։

Դեպքի վայր է մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ։

Ինչպես տեղեկանում ենք ՆԳՆ ՓԾ տարածած հաղորդագրությունից, փրկարարները բացել են բնակարանի դուռը և ապահովել երեխայի անվտանգությունը: