ԱՄՆ-ում ինքնաթիռը վթարային վայրէջք է կատարել տակդիրի պատճառով

ԱՄՆ-ում ինքնաթիռը հարկադիր վայրէջք է կատարել այն բանից հետո, երբ ուղեւորները մեծահասակների համար նախատեսված տակդիրը շփոթել են ռումբի հետ, գրում է NDTV-ն։

Լրատվամիջոցների տվյալներով՝ Copa Airlines-ի ինքնաթիռը Պանամա–Սիթիի Տոկումեն միջազգային օդանավակայանից թռչում էր Տամպա, Ֆլորիդա նահանգ, երբ ուղևորները բորտուղեկցորդուհիներին հայտնել են զուգարանում ռումբի նման կասկածելի առարկայի մասին: Այս տեղեկությունից հետո օդաչուները հարկադիր վայրէջք են կատարել՝ վերադառնալով մեկնման օդանավակայան։

Սակայն ուղևորների տարհանումից հետո ինքնաթիռը ստուգող անվտանգության աշխատակիցները պարզել են, որ ենթադրյալ ռումբը մեծահասակների տակդիր է:

Լրացուցիչ ստուգումներից հետո ուղեւորներին վերադարձրել են ինքնաթիռ եւ թույլ տվել օդ բարձրանալ։