Վերանորոգնման աշխատանքների արժեքը կազմել է շուրջ 982,88 մլն դրամ

2012թ. հոկտեմբերի 10-ին շահագործման հանձնվեց Համաշխարային բանկի ֆինանսավորմամբ կենսական նշանակության ավտոճանապարհների բարելավման ծրագրի շրջանակներում վերականգնված Բերդ–Նավուր–Իծաքար ավտոճանապարհի կմ 32+505 – կմ 43+570 հատվածը:

Վերանորոգնման աշխատանքների արժեքը կազմել է շուրջ 982,88 մլն դրամ։ Պատվիրատուն ՀՀ տրանսպորտի և կապի նախարարության «Տրանսպորտի ԾԻԳ» ՊՀ-ն է, կապալառուներ՝ համատեղ «ԱԱԲ Պրոեկտ» ՍՊԸ-ի և «Մերձմոսկովյան» ԲԲԸ։ ՀՀ տրանսպորտի և կապի նախարարի հրամանով, վերականգնված ավտոճանապարհի ընդունող հանձնաժողովում ընդգրկված էին նախարարության, Տավուշի մարզպետարանի, «Տրանսպորտի ԾԻԳ» ՊՀ-ի, «Հայաստանի ավտոմոբիլային ճանապարհների տնօրինություն» ՊՈԱԿ-ի, ՀՀ ֆինանսների նախարարության աշխատակազմի ֆինանսական վերահսկողության տեսչության, ՀՀ քաղաքաշինության նախարարության աշխատակազմի քաղաքաշինական պետական տեսչության պատասխանատու աշխատակիցներ, տեխնիկական հսկողության ներկայացուցիչը և շահագրգիռ համայնքների ղեկավարները։