«Չելսի»-ն պարտության մատնեց «Շախտյոր»-ին (տեսանյութ)

Չեմպիոնների լիգայի 4-րդ տուրի շրջանակներում գործող չեմպիոն «Չելսին»՝ «Սթեմֆորդ Բրիջ» մարզադաշտում հյուրընկալեց Դոնեցկի «Շախտյորին»: Հանդիպումն ավարտվեց 3:2 հաշվով հօգուտ լոնդոնցիներին:

Առաջին հաշվի մեջ առաջ անցան դաշտի տերերը`6-րդ րոպեին գոլի հեղինակ դարձավ Եվրո 2012-ի լավագույն ռմբարկու Ֆերնանդո Տորեսը, 3 րոպե հետո Վիլիանը հավասարեցրեց հաշիվը: Խաղակեսի վերջնամասում՝ լոնդոնցիներին հաջողվեց հաշվի մեջ կրկին առաջ անցնել` այս անգամ իր գեղեցիկ գոլով աչքի ընկավ Օսկարը:

Երկրորդ խաղակեսի մեկնարկին Լուչեսկույի սաներին հաջողվեց հավասարեցնել հաշիվը` 47-րոպեին Վիլիանը դուբլ ձևակերպեց:

Սակայն «հանքապորներին» հավասար հաշիվը պահպանել չհաջողվեց` մրցավարի ավելացված ժամանակի ընթացքում Վիկտոր Մոսեսի գոլի շնորհիվ Դի Մատեոյի սաներին հաջողվեց հաղթանակ տոնել սեփական հարկի տակ:

Նշենք, որ սա «Շախտյորի» առաջին պարտությունն է Չեմպիոնների լիգայի ընթացիք մրցաշրջանում: Խաղի տեսնյութը կարող եք դիտել այստեղ: