«ՀԺ». Ի՞նչու է կառավարությունն այդ սերմնահեղուկը պահպանելու համար ամեն տարի ջանք թափում
Վերջին լուրեր
Հաջորդ տարվա պետական բյուջեով ավելի քան 5 միլիոն դրամ է հատկացված խոշոր եղջերավոր անասունների սերմնահեղուկի պահպանման համար: Պարզվում է, որ գործ ունենք ահռելի քանակությամբ սերմնահեղուկի հետ, որը ոչ մեկին պետք չէ:
Թերթի տեղեկություններով, արհեստական բեղմնավորման համար նախատեսված այդ սերմնահեղուկը պահպանվում է դեռ 1982–ից և խոսքը 350 հազար դոզայի մասին է: Դրա պահպանումը բավականին բարդ է՝ խորը սառեցվում է հեղուկ ազոտով:
Արդեն հայտնի էլ չէ, այդ սերմնահեղուկը պահպանե՞լ է արդյոք իր կենսահատկանիշները, թե՝ ոչ: Հայտնի չէ նաև, թե ինչպիսի հատկանիշներով հորթուկներ կունենանք՝ այդ սերմնահեղուկով մեր կովերին արհեստական բեղմնավորելու դեպքում: Բայց հայտնի է, որ անցած 30 տարիների ընթացքում մեր ֆերմերներն այդ սերմնահեղուկի նկատմամբ որևէ պահանջարկ չեն դրսևորել: Ամենայն հավանականությամբ, մեր կովերն իրենց տերերին համոզել են, որ նախընտրում են բնական ճանապարհով բեղմնավորումը: Մի խոսքով, հասկանալի չէ, թե ինչու է կառավարությունն ամեն տարի ջանք թափում այդ սերմնահեղուկը պահպանելու համար: Կառավարության ներկայացուցիչներն էլ են դժվարանում այս հարցին պատասխանել:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
