«Հայկական Ժամանակ». Ամեն ինչ հավասարաչափ հետույքային է ու ամեն ինչ՝ բալանսի մեջ

«Բամբիռ» ռոք խմբի վոկալիստ, կիթառահար Նարեկ Բարսը (Բարսեղյան) գալիք նախագահական ընտրությունների հետ որևէ հույս չի կապում: Նա չի կարծում, թե այդ ընտրություններով երկրում փոփոխություններ են տեղի ունենալու: Երաժիշտն իր տեսակետը հայտնել է թերթի թղթակցի հետ զրույցում:

«Ոչ: Ճահճի մեջ փոփոխություններ ես չեմ ակնկալում: Ամեն ինչ հավասարաչափ հետույքային է՝ կարելի է ասել, ու ամեն ինչ՝ բալանսի մեջ: Չկա ոչ մի բան, որից կարողանաս կառչել: Ես չեմ կարծում, որ մի մարդու փոփոխությամբ ամբողջ երկիրը՝ մուրացկանից մինչև օլիգարխ, կփոխվի ու կդառնա լավը, ու մենք կասենք՝ էս ի՜նչ կայֆ երկիր դարձավ: Չէ, հաստատ»,- ասել է Նարեկը:

Թերթը նշում է, որ «Բամբիռ» խումբն տարբեր երկրներում երկար շրջագայելուց հետո այս օրերին Հայաստանում է: