Եկել է խաղաղության ու համագործակցության ժամանակը․ Իրանի ԱԳ նախարարը՝ «3+3» ձևաչափով հանդիպմանը

Հարավային Կովկասում պատերազմն ավարտվել է։ Եկել է խաղաղության, համագործակցության և առաջընթացի ժամանակը, հայտարարել է Իրանի ԱԳ նախարար Հոսեյն Ամիր Աբդոլլահիանը Թեհրանում՝ «3+3» ձևաչափով արտգործնախարարների հանդիպման ժամանակ:

««3+3» ձևաչափով հանդիպումը անցկացվում է տարածաշրջանային խնդիրները լուծելու և հավաքական ջանքեր գործադրելու խաղաղության և համագործակցության հաստատման և ամրապնդման համար։ Այս հանդիպումը կարող է անկյունաքար դառնալ Հարավային Կովկասում խաղաղության հաստատման ճանապարհին»,- նշել է նա։                

Աբդոլլահիանի խոսքով՝ տարածաշրջանում ոչ տարածաշրջանային ուժերի ներկայությունը ոչ միայն չի լուծի խնդիրը, այլ էլ ավելի կբարդացնի իրավիճակը։