Ադրբեջանի հերթական բարբաջանքը՝ «Հայաստանն ակտիվորեն ռազմականացնում է իր երկիրը»

Ադրբեջանում հերթական ձայներն են լսվում՝ կապված ՀՀ 2013-ին նախատեսվող ռազմական բյուջեի և այլ ոլորտներին հատկացվող գումարների թվերի ադրբեջանցիների կողմից մանրամասն հաշվարկման հետ:

Ադրբեջանական լրատվամիջոցներին տված հարցազրույցում Ադրբեջանի նախագահի աշխատակազմի քաղաքական վերլուծության և տեղեկատվական ապահովման բաժնի վարիչ Էլնուր Ասլանովը նշել է, որ 2012-ին ՀՀ-ի բյուջեի ծախսային մասը կազմել է 2,2 մլրդ դոլար այն դեպքում, երբ Հայաստանի բյուջեի պակասորդը կկազմի 326,5 մլն դոլար (բյուջեի գրեթե 14,5%-ը):Ասլանովի խոսքով՝ դրա հետ մեկտեղ՝ Հայաստանի ռազմական ծախսերը կազմում են ծախսային մասի ավելի քան 17%-ը:

«Իսկ Ադրբեջանում 2012 թվականին ռազմական ծախսերը կազմել են բյուջեի ծախսային մասի 8,1%-ը: 2013 թվականին Հայաստանը նախատեսում է ռազմական ոլորտին հատկացնել 450 մլն ԱՄՆ դոլար, ինչը կկազմի այդ երկրի բյուջեի ծախսային մասի ավելի քան 16%-ը: Եթե համեմատենք Հայաստանի և Ադրբեջանի բյուջեներում ռազմական ծախսերի տոկոսային բաժինը, ապա ակնհայտ է, որ Հայաստանի ցուցանիշը առնվազն կրկնակի անգամ գերազանցում է Ադրբեջանի տվյալներին»,- նշել է Է. Ասլանովը: «Սա Հայաստանի ռազմականացման բարձր մակարդակի վառ ցուցանիշն է: Այս ամենը տեղի է ունենում երկրում տիրող սոցիալ տնտեսական վիճակի ֆոնի վրա, որտեղ իշխող վերնախավը փորձում է իր իշխանությունը պահպանել հասարակության վրա ճնշումների և հայ-ադրբեջանական հակամարտության շուրջ մանիպուլյացիա անելու միջոցով: Փորձելով հայ-ադրբեջանական հակամարտության հարցում պահպանել ստատուս-քվոն, Հայաստանի ղեկավարությունը ոչ միայն խորացնում է երկրում տիրող ծանր սոցիալ-տնտեսական վիճակը՝ երիտասարդ սերնդին զրկելով լիարժեք ապագայից, այլև մեկ անգամ ցուցադրում է, որ նա շահագրգռված չէ տարածաշրջանում խաղաղության և կայունության հաստատմամբ:

Ուշագրավ է, որ կարդալով նշյալ պաշտոնյայի գնահատականները ՀՀ-ի նկատմամբ, որը ոչ այլ ինչ է, եթե ոչ քաղաքականացված բարբաջանք, գիտակից անհատը կարող է մտածել, որ այնտեղ նավթային ռեսուրսների վրա ԱԼԻևՅԱՆ ընտանիքը սնող տարածքի անձինք, շատ ավելի մտահոգված են ՀՀ ժողովրդի ճակատագրով, քան բուն երկրում ապրող որևէ մեկը:

Այս չստացված մոնոթատրոնների արդյունքում, հրավիրելով իրենց իսկ կողմից արգելափակված մի քանի լրագրողների, ալիևյան վարչակարգի սպասարկուները սկսում են լուրջ ԻՆՔՆԱՀԱՍՏԱՏՎԵԼ…

Ասլանովի տված հարցազրույցից կարելի է եզրակացնել ևս մեկ փաստ՝ տարեցտարի երկրի ռազմական բյուջեն և սպառազինանոցը համալրող այդ հանրապետությունն ամեն դեպքում լուրջ ՎԱԽ ունի ՀՀ անգամ աննշան թվացող ռազմական ծախսերի ավելացումից...իսկ դա լուրջ մտածելու տեղիք է տալիս…ԱՀ-ում դեռ շարունակվում է ազգի ոգու բարդույթավորված լինելու սինդրոմը…