Ե՞րբ հաջողությամբ կպսակվեն քաղաքական նախաձեռնությունները

Վահագն Սարոյանը facebook սոցցանցի իր էջում գրել է.

«Խորհրդարանական համակարգի անցնելու «անձնական կարծիքը», ըստ ԲՀԿ-ի: Այս հայտարարությամբ ԲՀԿ-ն փորձում է կոնսոլիդացնել քաղաքական ուժերին, այսինքն դառնալ 2008-ի ՀԱԿ-ը: Հիշեցնեմ, որ ՀԱԿ անդամ կուսակցությունները' կապ չունի ինչ կալիբրի, համախբվել էին, այսպես ասած, «ավազակապետական բուրգի կազմաքնադման» մտքի շուրջ, իսկ այսօր ՀԱԿ-ի խմորումները ցույց տվեցին, որ դա պարզապես իրավիակային նկրտումներ էին, իսկ ԲՀԿ-ն այս նոր «քաղաքական օրակարգով» ցանականում է համախմբել իր շուրջ այն ուժերին, որոնք ցանկանում են անցնել խորհրդարանական կառավարաման համակարգի: Արդյո՞ք սա էլ նման չէ այդ «դասին»: Այստեղ կարևորը ոչ թե խորհրդարանական կամ նախագահական համակարգերի ընդունելի կամ ոչ ընդունելի լինելու մեջ է, այլ այդ տակտիկական քայլով քաղաքական ուժերին ու հասարակությանը մոլորեցնելու:

Ոչ հեռու անցյալում, խորհրդարանական ընտրությունների կազմակերպման ընթացքում ԲՀԿ-ն նախաձեռնել ու կազմակերպել էր ինչ-որ միասնական շտաբ, որի գործունեության շուրջ համախմբվել էին ՀԱԿ-ը, ՀՅԴ-ն և մասամբ «Ժառանգությունը»: Իսկ հիմա ուր է այդ միասնական շտաբը... հայտնի է բոլորիս:

Դրանից առաջ խորհրդարանում բարձրացվեց 100% համամասնական կարգին անցնելու հարցը, ԲՀԿ-ն միացավ ՀՅԴ-ի, «Ժառանգության» և ՀԱԿ-ի պահանջին, սակայն քվեարկությամբ ապացուցեց հակառակը: Իսկ հիմա այս հայտարարությունը իր արժանահավատությամբ միայն ստեղծում է այն տպավորությունը, որ հնչած հայտարարությունը, լինի դա անձնական կարծիք, կամ պաշտոնական դիրքորոշում, պարզապես իրավունք ունի գոյություն ունենալ...

Հ.Գ. Հայկական իրականության մեջ ցանկացած նախաձեռնություն կպսակվի հաջողությամբ այն դեպքում, երբ այն ունենա գաղափարական հենք, և դրա գործունեությունը բխի հասարակության շահերից, այլ ոչ թե իրավիճակային քաղաքական միավորների ու քաղաքական դաշտում դեմքը փրկելու նեղ շահերից»: