Ադրբեջանը սպառնում է գրավել Ստեփանակերտի օդանավակայանի ինքնաթիռները
Վերջին լուրեր
Քաղաքացիական ավիացիայի միջազգային կազմակերպությունում Ադրբեջանի մշտական ներկայացուցիչ Ֆարիդ Շաֆիևը ելույթ է ունեցել այդ կազմակերպության նիստին. տեղեկացնում է APA ադրբեջանական տեղեկատվական գործակալությունը:
Իր ելույթի ժամանակ Շաֆիևը Քաղավիացիայի միջազգային կազմակերպության խորհդրի ուշադրությունը հրավիրել է այն բանի վրա, որ Հայաստանը պատրաստվում է շահագործման հանձնել Ստեփանակերտի օդանավակայանը: Դեսպանը նշել է, որ նման քայլը, ըստ ադրբեջանական կողմի, հակասում է միջազգային իրավունքին և սպառնում է տարածաշրջանում անվտանգության ապահովմանը:
Շաֆիևը նշել է, որ Լեռնային Ղարաբաղի օդային տարածքը փակ է քաղաքացիական չվերթների համար, և այդ տարածքում հայտնված ցանկացած ինքնաթիռ սպառնալիքի տակ է դնելու օդանավում գտնվող ուղևորների կյանքը:
Դեսպանը կարծում է նաև, որ Ադրբեջանն իրավունք ունի պաշտպանել «իր օդային» տարածքները Հայաստանի կողմից արված «անպատասխանատու» քայլերից՝ սպառնալով հարձակվել և գրավել այդ տարածքում հայտնված ինքնաթիռները:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
