Նյու Յորքի և Նյու Ջերսիի հազարավոր բնակիչներ նորից մնացել են առանց լույսի

Նյու Յորքում և Նյու Ջերսիում նոր փոթորիկը նորից կաթվածահար է արել տրանսպորտի աշխատանքը և էլեկտրաէներգիայի մատակարարումը. հաղորդում է Associated Press-ը։ Սովորական պայմաններում փոթորիկը չեր առաջացնի նման հետևանքներ, սակայն մի շարք օբյեկտներ դեռ չէին հասցրել ամբողջությամբ վերականգնվել «Սենդի» փոթորկի հասցրած վնասներից հետո, հատկապես խոցելի է դարձել էներգամատակարարման համակարգը. նշում է գործակալությունը։

Ուժեղ քամին վնասել է էլեկտրափոխանցման ժամանակավոր լարերը, ինչի հետևանքով մոտ 22 հազար մարդ, ում էլեկտրամատակարարումը վերականգանվել էր միայն մասամբ, նորից հայտնվեց խավարում։ Այս տներում ապրող մարդիկ միացան ևս 680 հազար մարդկանց, որոնք դեռ պարունակում են մնալ առանց լույսի «Սենդի» փոթորկից հետո։

Հիշեցնենք, որ չորեքշաթբի օրը վաղ առավոտյան ամերիկյան ավիաընկերությունները հետաձգել են դեպի Նյու Յորք կամ Նյու Յորքից չվերթների մեծ մասը հերթական փոթորկի հետ։

Նշենք, որ Հյուսիսային Ամերիկայում անցյալ շաբաթ «Սենդի» փոթորկի հետևանքով զոհվել է 121 մարդ։ Ամերիկյան տնտեսությանը հասցված վնասները գահատվում են մի քանի միլիարդ դոլար։