Խաղի վերջնամասում թիմային սխալ թույլ տվեցինք. Հենրիկ Մխիթարյան

Դոնեցկի «Շախտյորի» և Հայաստանի հավաքականի կիսապաշտպան Հենրիկ Մխիթարյանը մեկնաբանել է Չեմպիոնների լիգայի 4-րդ տուրում   Լոնդոնի «Չելսիից» կրած պարտությունը, նշելով, որ իրենք թիմային սխալ են թույլ տվել:

«Ավելի լավ է՝ մարզիչն ասի, թե ինչպես խաղացինք: Փորձեցի անել այն ամենը, ինչն ասել էր մարզիչը: Սակայն խաղի վերջնամասում մենք թիմային սխալ թույլ տվեցինք: Այդ գոլի համար բոլորս էինք մեղավոր: Պետք էր խփել երրորդ գոլը և ավելի հանգիստ խաղալ, սակայն վերջում մենք անհեթեթ գոլ բաց թողեցինք: Պետք էր գոլ խփել և հանգիստ խաղ խաղալ, և պետք է օգտագործեինք այն պահերը, որոնք ունեցանք:

Լուչեսկուն գոհ էր մեր խաղից, բայց ոչ արդյունքից: Մենք հիասթափված ենք, քանի որ մեծ աշխատանք էինք կատարել: Երրորդ գոլի ժամանակ չէինք պարզել, թե ով պետք է հսկի Մոզեսին»,-Մխիթարյանի խոսքերը մեջբերում է  championat.com-ը: