Ինչու է արգելվել պանիր արտադրող 18 տնտեսվարող սուբյեկտի գործունեությունը

Կառավարության այսօր տեղի ունեցած նիստի ժամանակ մինչ օրակարգային հարցերին անցնելը վարչապետ Տիգրան Սարգսյանը խոսեց սննդի անվտանգության հարցրերի մասին: «Մենք պայմանավորվել ենք, որ պարբերաբար այս հարցին անդրադառնալու ենք, որովհետև սննդի անվտանգության ոլորտում մենք ստանձնել ենք կարևորագույն պարտավորություն, որ պետք է երաշխավորենք մեր քաղաքացիներին, որ ՀՀ-ում վաճառվող սնունդը որակյալ է և անվտանգ: Ցավոք սրտի, մենք դեռևս ունենք լրջագույն խնդիրներ. այսօր մենք ՀՀ-ում ներ ենք դնում մոնիթորինգի համակարգ, որպեսզի իշխանությունները պարբերաբար իրականացնեն ստուգումներ սնունդ արտադրողների մոտ, և եթե հայտնաբերում են խախտումներ, շեղումներ նորմերից, հանրությանը դրա մասին տեղյակ պահենք»:

Վարչապետի խոսքից հետո սննդի անվտանգության պետական վարչության պետ Աբրամ Բախչագուլյանը ներկայացրեց պանրի ոլորտում արված ուսումնասիրությունները:

Բախչագուլյանի խոսքերով՝ թվով 59 տնտեսվարող սուբյեկտների մոտ են կատարվել ստուգումները և սանիտարահիգիենիկ պայմանների չկատարման խնդիրներ են առաջացրել թե՛ մակնշման, թե՛ պայմանների չկատարման հետ կապված: «Տնտեսվարող սուբյեկտների մոտ ստուգումների արդյունքում թվով 18 տնտեսվարող սուբյեկտի գործունեությունն արգելվել է՝ առանձին արտադրության կամ ամբողջ արտադրության կտրվածքով: Տվյալ տնտեսվարող սուբյեկտների մոտ տեսչական ստուգումների արդյունքում նմուշառմամբ կատարվել են նմուշատրումներ, լաբարատոր փորձաքննության արդյուքնում հայտնաբերվել է աղիքային ցուպիկի մանրեներ, մեծ մասամբ՝ Չանախ պանրի արտադրատեսակի հետ կապված: Հինգուկես տոննա պանիր ոչնչացվել է, և տվյալ ընկերությունները ներկայումս իրականացնում են սանիտարահիգիենիկ պայմանների կատարման ախատանքներ, իսկ ծառայության համապատասխան տեսուչների վերահսկողության ներքո 54 տնտեսվարող սուբյեկտներ ենթարկվել են վարչական պատասխանատվության: Կիրառվել է տուգանք, որը կազմել է 10 միլիոն 450 հազար դրամ»,-նշեց Բախչագուլյանը:

Վարչապետը սննդի անվտանգության պետին հարցրեց, թե ինչ վտանգ են դրանք ներկայացնում առողջության համար:

«Տեխնիկական կանոնակարգով ունենք սահմանված թույլատրելի չափ աղիքային ցուպիկի հետ կապված: Մանրեների քանակը գերազանցում է, որը բերում է մարսողական համակարգի խնդիրներ ազգաբնկաչության մոտ։ Պետք է նշեմ, որ սրանք այն ընկերություներն են, որոնք ունեն փոքր արտադրման ծավալ և փոքր ձեռնարկություններ են ու չեն ապահովում սանիտարահիգիենիկ նորմերը, որոնք ներկայացված են ՀՀ կառավարության որոշմամբ: Ունենք խնդիր մակնշման հետ կապված, քանի որ այդ ընկերությունները օրական արտադրում էին 60-75 կգ պանիր, և այդ պանիրները հավուր պատշաճի մակնշված չեն և խմբաքանակ որպես այդպիսին չի երևում, որ կարողանանք հետկանչ կազմակերպենք: Այդ խմբաքանակի հետ կապված բոլոր առաջադրանքները տրվել են և բոլոր 59 ընկերություններում արտադրված արտադրանքի խմբաքանակը պետք է պարտադիր մակնշված լինի, որպեսզի մենք կարողանանք ապահովել հետագծելիությունը և հետկանչը շուկայից»,-նշեց Աբրամ Բախչագույլանը:

Վարչապետը Բախչագուլյանի ելույթից հետո ասաց. «Վնաս է հասցնում առոջղությանը, ու դեռ դրա համար էլ վճարո՞ւմ են մեր քաղաքացիները, որ այդ պանիրը օգտագործելուց հետո առաջանում են հիվանդություններ: Մենք պետք է հրապարակային դարձնենք այդ արտադրողների անունները, ձեռնարկությունների անունները, պանրի տեսակի անվանումը, որ քաղաքացիները չօտվեն,-ասաց վարչապետը:

Ըստ Բախչագուլյանի՝ հաջորդ քայլը լինելու է այն, որ բոլոր այս տնտեսվարող սուբյեկտները վերահսկողության տակ լինեն, արտադրությունը կանգնեցված է. «Պետք է ապահովեն սանիտարահիգիենիկ պահանջների կատարումը և դրանից հետո թողարկեն փորձնական արտադրանք։ Դա կենթարկվի լաբորատոր փորձաքննության և շեղումներ չհայտնաբերելու դեպքում կթուլատրվի վերսկել արտադրությունը, որի մասին կիրազեկենք մեր հանրությանը»,-ասաց սննդի անվտանգության պետը:

Վերջինս նշեց նաև, որ խոշոր արտադրողների մոտ սանիտարահիգիենիկ նորմերի պահանջների կատարման նկատմամբ վերահսկողության արդյունքում պարզ է դարձել, որ խոշոր արտադրողներն ավելի պարտաճանաչ են, և մարսողական համակարգի հետ կապված խննդիրներ իրենց կողմից արտադրված արտադրանքում չեն առաջացնում, որովհետև ներդրել են անվտանգության համակարգերը և կարողանում են ապահովել սանիտարահիգիենիկ պահանջների նկատմամբ հսկողությունը:

«Մեր խնդիրը փորք արտադրություններն են, սակայն մենք պարբերարաբար հսկողության տակ ենք առնում այդ արտադրությունները, և պետք է նշեմ, որ Լոռու մարզում, բացի գրանցված տնտեսվարող սուբյեկտներրից, կային նաև այլ գյուղացիական տնտեսություններ, որոնք արտադրում էին պանիր, բայց գրանցված չէին, և այդ ընկերություններում օրենքի պահանջի ստուգումներ չկարողացանք իրականցնել»,-ասաց Բախչագույլանը:

Տիգրան Սարգսյանը հետաքրքրվեց, թե պատժամիջոցները, որոնք այսօր օրենսդրությունը տրամադրում է, բավարա՞ր են, թե՞ անհրաժեշտ է խստացնել օրենսդրությունը, որին ի պատասխան՝ Բախչագույլանն ասաց.

«Մեր կարծիքով անհրաժեշտ է խստացնել, քանի որ պահանջների կատարման նկատմամբ վերահսկողության արդյունում մենք չենք կարողնաում դադարեցնել այս կամ այն արտադրատեսակի արտադրությունը: Միայն եթե հայտնաբերում ենք վտանգավոր սննդամթերք, այդ դեպքում ենք կարողանում կասեցնել այդ արտադրությունը կամ առանձին արտադրատեսակի արտադրությունը: Եթե մենք 59 տնտեսվարող սուբյեկտներից այս 18-ում ենք հայտնաբերել լաբորատոր փորձաքննության արդյուքնում վտանգավոր սննդամթերք, չի բացառվում, որ եթե վաղը գնանք, մյուս 41-ում նորից լինեն այս խնդիրները, որովհետև խնդիրները մեծ մասամբ պայմանավորված են սանիտարահիգիենիկ նորմերի չկատարմամբ: Իսկ դրա նկատմամբ մեր օրեսնդրությունը սահմանում է միայն վարչական պատասխանատվություն, բոլոր տնտեսվարող սուբյեկտները վարչական պատասխանատվության ենթարկվել են, սակայն իրենց տրվել է առաջադրանք վերացնել խախտումները, սակայն օրեսնդրությունը չի սահմանել՝ ինչ տոկոսով պետք է վերացնել այդ խախտումները, որ կարողանան նորից սկսել արտադրությունը»,-ասաց սննդի անվտանգության վարչության պետը:

Վարչապետը նրանից հետաքրքվրեց, թե ինչ է ասում միջազգային փորձը:

«Ասում է, որ ցանկացած կենդանական ծագման մթերք արտադրող ընկերություն նախևառաջ պետք է մինչև արտադրությունը սկսելը գրանցվի լիազոր մարմնում և ստանա թույլտվություն արտադրությունը սկսելու համար, և միջազգային փորձը ասում է, որ ցանկացած արտադրություն պետք է հիմնված լինի պատշաճ հիգինեայի և արտադրական պրակտիկայի հիման վրա»,-ասաց Բախչագուլյանը, հավեվելով, որ հաջորդ ուսումնասիրվող ոլորտը լինելու է մսամթերքի արտադրութթյան ոլորտը, «սակայն ոչ լիարժեք, քանի որ մյուս տարի ենք պլանավորել ամբողջությամբ միս-մսամթերք արտադրող ընկերություններում տեսչական ստուգումներ իրականացնել»,-ասաց Բախչագուլյանը: