Օբամայի վերընտրության արձագանքներն Ադրբեջանում և Վրաստանում
Վերջին լուրեր
Ըստ միջազգային մամուլի հրապարակումների և լրահոսի՝ Բաքվում և Թբիլիսիում հավատարմագրված ամերիկացի դեսպաններն այս առումով կարծես լավատես են:
Թբիլիսիում ԱՄՆ-ի դեսպան Ռիչարդ Նորլանդը լրագրողների հետ զրույցում նշել է, որ Օբամայի երկրորդ պաշտոնավարման ժամկետի ընթացքում ևս Վրաստանի և ՆԱՏՕ-ի հարաբերությունների սերտացումը լինելու է ամերիկյան արտաքին քաղաքականության օրակարգում:
Բաքվում Միացյալ Նահանգների դեսպան Ռիչարդ Մորնինգսթարը ադրբեջանա-ամերիկյան հարաբերությունների ապագայի մասին իր կանխատեսումներում ավելի զուսպ է արտահայտվել: «Որևէ լուրջ փոփոխություն մեր արտաքին քաղաքականության մեջ չենք ակնկալում: Ադրբեջանը կշարունակի շատ կարևոր երկիր հանդիսանալ Միացյալ Նահանգների համար»,-նշել է դիվանագետը:
Ադրբեջանական ընդդիմության ներկայացուցիչները ևս Օբամայի վերընտրությունից լուրջ փոփոխություններ չեն ակնկալում ո՛չ ներքին քաղաքականության մեջ, ո՛չ էլ տարածաշրջանային զարգացումներում:
Ընդդիմադիր «Մուսավաթ» կուսակցության առաջնորդ Իսա Ղամբարն ադրբեջանական ANS press գործակալությանը տված հարցազրույցում ընդգծել է, որ ամերիկացի դեմոկրատները որևէ փոփոխություն չեն բերելու Ադրբեջան:
Մինչև վերջերս վրացական ընդդիմությունը ղեկավարած, այժմ արդեն վարչապետի պաշտոնը ստանձնած Բիձինա Իվանիշվիլին, հակառակը, Օբամայի հաղթանակից խիստ ոգևորված էր:
Վերջինս հայտարարել է՝ «Վրացական երազանքը Դեմոկրատական Վրաստանն» է:
ՈՒՂԻՂ ԵԹԵՐ
Ամենադիտված 
Դիրքում բռնшբшրnւթյшն դեպքը տեսած, ապա սպшնված 3 զինվորների ծնողներն արդարադատություն են պահանջում (տեսանյութ)
