Թբիլիսիի փոխադրամիջոցային ընկերությունը մերժել է վարորդների աշխօրերի բարձրացումը

Վրաստանում ավտոբուսների վարորդների գործադուլի դեպքերով պայմանավորված՝ Թբիլիսիի փոխադրամիջոցային ընկերության գլխավոր տնօրեն Լևան Քոբլադաձեն այսօր հանդիպել է լրագրողների հետ, ինչի ժամանակ հայտարարել է, որ այս փուլում վարորդների աշխատավարձերի բարձրացումներ հնարավոր չեն, փոխանցում է Грузия-Online-ը:
Նրա խոսքերով՝ հուլիսի 1-ից ընկերության բոլոր աշխատակիցների, այդ թվում՝ վարորդների աշխատավարձերը կբարձրացվեն 16 %-ով: Ընկերությունը դրա համար հատկացրել է ընդհանուր առմամբ 8 մլն. դոլար:
«Միջինում վարորդների աշխատավարձը կազմում է 800 լարի: Աշխատավարձի ծավալը կախված է աշխատանքային ժամերից: Ես հուսով եմ, որ ավտոբուսների աշխատանքը կվերականգնվի առաջիկա ժամերի ընթացքում», ասել է Քոփլադաձեն:
Թբիլիսիում քաղաքային ավտոբուսների վարորդներն այսօր գործադուլ են հայտարարել՝ պահանջելով ներկա 300-350 դոլար աշխատավարձի բարձրացում մի քանի անգամ: Նրանք պահանջում են քաղաքապետարանից օպերատիվ արձագանք իրենց կարիքներին։
Մեկ միլիոն 200 հազար բնակիչ ունեցող քաղաքում վաղուց արդեն չկան տրոլեյբուսներ և տրամվայներ, հինգշաբթի օրը գործադուլի հետ կապված գերլարված ռեժիմով աշխատում են մետրոն և երթուղային տաքսիները։