Ինչո՞ւ են մտնում կուսակցություն, ջեմ ու սուրճ ստանալո՞ւ համար

Վախթանգ Սիրադեղյանը facebook սոցցանցի իր էջում գրել է.

«ՕԵԿ-ը «թարմացվելուց»  հետո հայտարարել է 10.000 անդամ ունենալու մասին: Ճիշտ է, 10 հազարը 170 հազարից, որն իբրև թե ուներ ՕԵԿ-ը խորհրդարանական ընտրությունների շեմին, 17 անգամ պակաս թիվ է, բայց այնուամենայնիվ մեծ թիվ է նման կուսակցության համար: Բացատրեմ. Եթե այդքան հայ մարդ իրեն տեսնում է իշխանության 2-րդ էշալոնում, ապա դա պատիվ չի բերում մեր ազգին: Իսկ որ իրենք 2-րդն են՝ երևի կասկած չկա՝ 1-ինը ՀՀԿ-ն է: Եվ եթե մարդիկ ուզում են լինել իշխող կամ գոնե իշխողների հետ, ապա ավելի խելացի կլիներ մտնել ՀՀԿ: Եվ երկրորդ՝ 2008-ից հետո եթե որևէ ընդդիմադիր մնացել է այդտեղ, ապա նա նույնքան ընդդիմադիր է, որքան… /թող շարունակի ընթերցողը/: Երրորդ տարբերակը դիտարկելն էլ իմաստ չունի՝ եթե մարդ չեզոք է՝ ապա ինչու է մտնում կուսակցություն՝ ջեմ ու սուրճ ստանալո՞ւ համար…»։