Ինչ տրավմաներ պիտի տարած լինի մարդը, որ խաչքարերը տեղահանի, տանի իր հիմնարկի կողքը շարի

Լևոն Բարսեղյանը Facebook սոցիալական ցանցի իր էջում գրում է.

«50.000 դրամ հոնորար եմ առաջարկում այն հոգեբանին կամ հոգեվերլուծաբանին, ով կմեկնաբանի, թե մոտավորապես ինչ տրավմաներ պիտի տարած լինի մարդը մանուկ կամ պատանի հասակում, որ միջին տարիքում կամ օր ծերության, իր պաշտոնական լծակներն օգտագործի Հայաստանի 1000-10000 տարեկան հուշարձանները, այդ թվում տապանաքարերն ու խաչքարերը տեղահանի, տանի իր հիմնարկի կողքը շարի: Պաթոլոգիա՞ է սա, թե՞ չէ` նորմալ վարք է պաշտոնյայի համար: Առաջարկս լուրջ է, ծավալուն մեկնաբանություն գրելու անհրաժեշտություն չկա, կես էջ-կամ մեկ էջ: Ես հասկանում եմ, որ հարցս ընդհանրական է, եւ կոնկրետությունը` նվազ, բայց խնդրում եմ մեկնաբանել: Մեկնաբանությունը հրապարակելու եմ, մասնագետներից ով կկամենա կեղծանուն կամ ծածկանուն օգտագործել, խոստանում եմ անձը չբացահայտել: Կարող եք գրել առանձնազրույցի բաժնում»: