Կանխավ հոգաչափ շնորհակալ եմ ցանկացած լումայի համար. Ձեր` Ստեփան

Թիվ 1 ընտրատարածքի պատգամավորական թեկնածու, «Ժառանգության» կուսակցության գլխավոր քարտուղար Ստյոպա Սաֆարյանը facebook սոցցանցի իր էջում գրել է.

«Ինչպես խոստացել էի օրեր առաջ՝ տեղեկացնում եմ, որ թիվ 1
ընտրատարածքում (Ավան համայնք, Նոր Նորքի 1-ին եւ 2-րդ զանգվածներ) ԱԺ լրացուցիչ ընտրությունների համար «Յունիբանկում» բացվել ու արդեն գործում է «Ստյոպա Սաֆարյանի նախընտրական հիմնադրամի» հաշվեհամարը:

24143001021500
«Յունիբանկ»

Երախտապարտ կլինեմ իմ բոլոր այն հայրենակիցներին, ովքեր իրենց ներդրումը կբերեն թիվ 1 ընտրատարածքում իմ հաղթանակի գործում:

Առանց անուններ տալու, մինչ այժմ եւ մեկընդմիշտ չեմ մոռանա մի քանի տասնյակ ֆեյսբուքյան այն ընկերներերիս ու հայրենակիցներիս, ովքեր մայիսի 6-ի խորհրդարանական ընտրություններում իրենց անակնկալ ներդրմամբ ուղղակի ինձ եւս մեկ անգամ համոզեցին, որ անիմաստ չեմ ապրել ու լավ գործեր արել, եւ որ դա աննկատ եւ անգնահատական չի մնում: Այսինքն, ոչ մի լավ գործ կամ մեծուփոքր պայքար անհետ չի կորում այս տիեզերքում /ես այն կանվանեմ էներգիայի պահպանման օրենքը հասարակական կյանքում եւ քաղաքականության մեջ :) /:

Հիշեցնում եմ, որ փոխանցումներ կարող են կատարել միայն ՀՀ քաղաքացիները /երկրում կամ նրա սահմանների դուրս գտնվող/, եւ փոխանցումը չի կարող գերազանցել 100.000 դրամը:

Կանխավ հոգաչափ շնորհակալ եմ ցանկացած լումայի համար:

Ձեր` Ստեփան»