Կոմայգում կրակել են նույնասեռականի վրա

Երևանի Կոմայգու մոտ երեկ գիշերը հակադիր սեռական կողմնորոշում ունեցող երկու անձանց միջև միջադեպի գործով կատարվում է հետաքննություն: Այս մասին հայտնում են ՀՀ ոստիկանությունից:

Գազային ատրճանակից կրակելու և խուլիգանություն կատարելու մեջ կասկածվող անձը բերման է ենթարկվել ոստիկանության բաժին:

Մամուլում շրջանառվող որոշ տեղեկությունների համաձայն՝ ավանդական սեռական կողմնորոշում ունեցող երիտասարդը վիճաբանության է բռնվել ոչ ավանդական սեռական կողմնորոշում ունեցող անձի հետ, հայհոյանքներից ու քաշքշուկից հետո ավանդապաշտը գազային ատրճանակից կրակել է նույնասեռականի վրա: