«Ժողովուրդ». Մեկնարկել է դեղերի կեղծման դեմ պայքարի երկօրյա դասընթաց. «ատկատի» նոր տարբերա՞կ
Վերջին լուրեր
«Ժողովուրդ» հայաստանյան պարբերականը գրել է.
«Երեկ «Արմենիա Մարիոթ» հյուրանոցում մնկնարկել է դեղերի կեղծման և նմանատիպ հանցագործությունների դեմ պայքարին նվիրված երկօրյա դասընթաց: Այս միջոցառումն ուշագրավ է այն առումով, որ վերջերս ՀՀ առողջապահության նախարարությունում անցկացված խորհրդակցության ժամանակ Սերժ Սարգսյանը նախարար Դերոյին' Դերենիկ Դումանյանին, մի շարք հանձնարարականներ էր տվել, այդ թվում և' դեղերի կեղծման դեմ պայքարի առումով: Նաև հայտարարվեց, թե Դումանյանը խոստացել է բեկում մտցնել այդ ոլորտում:
Ու, փաստորեն, կարելի է եզրակացնել, որ տարիներ շարունակ այս ոլորտում աշխատած Դումանյանն ու առողջապահության ոլորտի աշխատակիցները դեռ նոր-նոր պետք է սովորեն իսկական դեղը կեղծից տարբերելն ու այդ հանցագործության դեմ պայքարելը: Ավելին, այս տարիների ընթացքում այդ հանցագործությունների դեմ մասնագիտական պայքար չի եղել, որովհետև նման դասընթացներ չեն կազմակերպվել: Իսկ եթե ավելի լուրջ, ապա թերևս սա էլ փող լվանալու և «ատկատի» հերթական ձև է»:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
