Ահմադինեժադն առաջարկել է ԱՄՆ-ին քննարկել Իրանի ատոմային ծրագիրը
Վերջին լուրեր
Իրանի նախագահ Մահմուդ Ահմադինեժադը հայտարարել է, որ իրանական ատոմային ծրագրի հետ կապված խնդիրները պետք է քննարկվեն անմիջապես նրա երկրի և ԱՄՆ-ի կողմից. հաղորդում է IRNA գործակալությունը։
«Մենք հավատում ենք ժողովուրդների և կառավարությունների միջև բարեկամական հարաբերություններին, որոնց հիմքում ընկած է արդարությունն ու փոխադարձ հարգանքը»,-Ահմադինեժադի խոսքերը մեջբերում է գործակալությունը։
«Անհրաժեշտ է հետաքննություն անցկացնել առ այն, թե ով և ինչու է խզել հարաբերություններն Իրանի հետ 33 տարի առաջ (երկրում իսլամական հեղափոխության հաղթանակից հետո)»,-ավելացրել է Իրանի նախագահը։
Իրանական առաջնորդի խոսքերը հնչել են հինգշաբթի օրը մամլո ասուլիսի ժամանակ ինդոնեզական Բալի կղզու վրա ժողովրդավարության հարցերով ֆորումի ընթացքում։
Ֆորումի բացմանն Ահմադինեժադը դատապարտել էր ԱՄՆ-ի կայացած նախագահական ընտրությունները՝ անվանելով դրանք «կապիտալիստների կռվի դաշտ»։
Նախագահը նաև հերթական անգամ հայտարարել էր, որ Իսլամական հանրապետության ատոմային օբյեկտները բաց են միջազգային դիտորդների համար։
«Այլ երկրների պաշտոնական ներկայացուցիչները ստուգազզնել են Իրանի ատոմային օբյեկտները, քանի որ Իրանը միակ երկիրն է աշխարհում, որը բացել է իր ատոմային ձեռնարկությունների դռները համաշխարհային մամուլի համար»,-հայտարարել է Ահմադինեժադը։
ՈՒՂԻՂ ԵԹԵՐ
Ամենադիտված 
Դիրքում բռնшբшրnւթյшն դեպքը տեսած, ապա սպшնված 3 զինվորների ծնողներն արդարադատություն են պահանջում (տեսանյութ)
