Գումարվում է ՆԱՏՕ-ի խորհրդարանական վեհաժողովի նստաշրջանը

ՆԱՏՕ-ի խորհրդարանական վեհաժողովի 58-րդ ամենամյա նստաշրջանին մասնակցելու համար նախօրեին Պրահա են ժամանել Հայաստանի Ազգային ժողովի պաշտպանության, ազգային անվտանգության և ներքին գործերի մշտական հանձնաժողովի նախագահ Կորյուն Նահապետյանը և արտաքին հարաբերությունների խորհրդարանական մշտական հանձնաժողովի ավագ փորձագետ Զաբելա Ղազարյանը։ Այս նստաշրջանին մասնակցում է շուրջ 350 պատվիրակ՝ խորհրդարանականներ եւ գործադիր իշխանության պաշտոնյաներ, փորձագետներ և վերլուծաբաններ ՆԱՏՕ-ի անդամ 28 երկրներից, ինչպես նաև՝ Հյուսիսային Աֆրիկայի և Եվրոպայի գործընկեր-պետություններից։ Շաբաթ եւ կիրակի օրերին նիստեր են գումարելու ՆԱՏՕ-ի խորհրդարանական վեհաժողովի հինգ մշտական հանձնաժողովները՝ քաղաքական, պաշտպանության և անվտանգության, գիտության եւ տեխնոլոգիայի, անվտանգության քաղաքացիական բաղադրիչի, ինչպես նաև էկոնոմիկայի և անվտանգության։

ՆԱՏՕ-ի խորհրդարանական վեհաժողովի 58-րդ նստաշրջանը կավարտվի նոյեմբերի 12-ին։

Հ.Գ. «Սառը պատերազմից» հետո Խորհրդարանական վեհաժողովը ստանձնել է նաև մի նոր դեր՝ աջակցել անդամակցության նպատակ ունեցող և ինտեգրման ծրագրերին մասնակցող երկրներին։ Այսօր՝ Վեհաժողովի 58-րդ նստաշրջանի առաջին օրը ելույթներով հանդես կգան ՆԱՏՕ-ի խորհդարանական վեհաժողովի նախագահ Կարլ Լամերսը, Վեհաժողովում Չեխիայի պատվիրակության ղեկավար Յան Համաչեկը և Վեհաժողովի գլխավոր քարտուղար Դեյվիդ Հոբսը։