Նյու Յորքում մտցրել են բենզինի նորմայավորված վաճառք
Վերջին լուրեր
Նյու Յորքի քաղաքապետ Մայքլ Բլումբերգը հինգշաբթի օրը հայտարարել է մեքենայի վառելիքի նորմավորված վաճառքի մասին: Այդ միջոցառումը կապված է «Սենդի» փոթորկի պատճառով առաջացած բենզինի պակասորդի հետ. հաղորդում է Взгляд-ը:
Համաձայն նոր կանոնների, որոնք ուժի մեջ են մտնում ուրբաթ օրվանից՝ զույգ օրերին բենզին կարող են գնել միայն զույգ համարանիշներով մեքենաների վարորդները, իսկ կենտ օրերին՝ կենտ համանիշներով վարորդները: Ինչպես հայտնել է Բլումբերգը, կանոնը չի վերաբերում վթարա-փրկարարական ծառայության մեքենաներին, տաքսիներին և ավտոբուսներին:
«Կարծում եմ, որ նման կարգը նվազագույնը գործելու է մի քանի օր: Դրան միայն վարժվել է պետք: Վարորդներին լցակայանների մոտ հսկելու են ոստիկանները»,-հայտնում է քաղաքապետը:
Նմանատիպ միջոցառում անցյալ շաբաթվանից գործում է նաև հարևան Նյու Ջերսի նահանգում, որը մինչ օրս բենզինի սուր դեֆիցիտ է զգում:
Բլումբերգի խոսքերով՝ միջոցառումը հնարավոր է դարձրել բենզինի հերթը կրճատել 2 ժամից մինչև 45 րոպեի:
ՈՒՂԻՂ ԵԹԵՐ
Ամենադիտված 
Պարոն վարչապետ, չհասկացա` Ձեր այսօրվա խոսքը ու՞մ էր ուղղված. Արամ Սարգսյան
