Ադրբեջանի և Իրանի ԱԳ նախարարները քննարկել են տարածաշրջանային համագործակցությունը

Հեռախոսազրույց է տեղի ունեցել Ադրբեջանի արտաքին գործերի նախարար Ջեյհուն Բայրամովի և Իրանի արտաքին գործերի նախարար Հուսեյն Ամիր Աբդոլլահիանի միջև։

Ինչպես հաղորդում է ԱՊԱ-ն, այս մասին տեղեկություն է տարածել Իրանի ԱԳՆ-ն։

Հեռախոսազրույցի ընթացքում քննարկվել են Ադրբեջանի և Իրանի միջև առկա իրավիճակը և համագործակցության հեռանկարները։

Ընդգծվել է նաև տարածաշրջանային երկխոսության ամրապնդման կարևորությունը։

Նշվել է տարածաշրջանում խաղաղության ամրապնդման համար տարածաշրջանային ձևաչափերի ակտիվացման կարևորությունը։

Հեռախոսազրույցի ընթացքում մտքեր են փոխանակվել նաև մի շարք բազմակողմ և տարածաշրջանային հարցերի շուրջ։

Կողմերը գոհունակություն են հայտնել երկկողմ հարաբերությունների ամրապնդման կապակցությամբ և ընդգծել տարածաշրջանում ու միջազգային ասպարեզում համագործակցության ընդլայնման և ամրապնդման կարևորությունը։