«Հրապարակ». Գագիկ Ծառուկյանը վերադարձել է Մոսկվայից
Վերջին լուրեր
Ռուսաստանում «Տարվա մարդ» հռչակված ԲՀԿ առաջնորդ Գագիկ Ծառուկյանը վերադարձել է Մոսկվայից: Մասնակցելո՞ւ է արդյոք Աժ առաջիկա քառօրյայի նիստերին: Մամլո քարտուղար Իվետա Տոնոյանի պատասխանը «Հրապարակ»-ին հետևյալն էր. «Այս պահին որևէ հաստատ բան ասել չեմ կարող: Եթե որևէ հրատապ և անհետաձգելի գործ չլինի, պարոն Ծառուկյանն անպայման կմասնակցի»: Մրցանակ ստանալը հրատապ ու անհետաձգելի՞ գործ էր: «Դա հաճելի և պարտավորեցնող գործընթաց էր»,- համարյա երկրորդեց Գալուստ Սահակյանին մամլո խոսնակը:
Իսկ պարոն Ծառուկյանն չի՞ պատրաստվում անձամբ մասնակցել իր կուսակցության նոր պլատֆորմի քննարկման կոնսուլտացիաներին: «Այդ կոնսուլտացիաներին պարոն Ծառուկյանը լիազորել է մասնակցել ԲՀԿ ներկայացուցիչներին, այս պահին մասնակցության ձևաչափն այդպիսին է, Գագիկ Ծառուկյանին անընդհատ ռեժիմով ներկայացվում են գործընթացի հետ կապված բոլոր մանրամասները, նա կատարելապես տիրապետում է իրավիճակին»: «Ակնկալո՞ւմ եք ՀԱԿ-ի, ԲՀԿ-ի, «Ժառանգության» երկրորդ դեմքերի մասնակցությունն այդ քննարկումներին» հարցին էլ Իվետա Տոնոյանն ասաց, որ դա այդ կուսակցությունների որոշելիք հարցն է:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
