Շրի Լանկայում բանտային ապստամբության ընթացքում զոհվել է 27 մարդ

Շրի Լանկայի մայրաքաղաք Կոլոմբոյում բանտային ապստամբության ընթացքում զոհերի թիվը հասել է 27-ի. հաղորդում է BBC-ն։ Ոտիկանության ներկայացուցիչը լրագրողների հետ զրույցում նշել է, որ բանտարկյալները կրակ են բացել ոտիկանության աշխատակիցների վրա, երբ վերջիններս խուզարկում էին բանտը։

Մոտ գտնվող հիվանդանոցի գլխավոր բժշկի խոսքերով՝ գնդակոծության ընթացքում վիրավորվել է մոտ 43 մարդ, այդ թվում` 23 բանտարկյալ և  ոտիկանության 13 աշխատակից։

Շրի Լանկայի իշխանությունները կատարվածը գնահատում են որպես վատագույն բանտային ապստամբություն վերջին մի քանի տասնամյակի ընթացքում։ Բանտի ղեկավարությունն իր հերթին հայտարարում է, որ փախուստի դիմած կալանավորների որոնողական աշխատանքներն ընթանում են ամբողջ թափով։