Մյանմայում գնացքի վթարի հետևանքով զոհվել է 25 մարդ

Մյանմայում գնացքի վթարի հետևանքով բռնկված սաստիկ հրդեհի պատճառով այսօր զոհվել է 25 մարդ. հաղորդում է Agence France-Presse-ը։ Եվս 62 մարդ վնասվածք է ստացել։ Վթարը տեղի է ունեցել Սիկայն վարչական շրջանի Կանբալու քաղաքի մոտակայքում։ Գնացքը, որ 2 ցիստեռն վառելիք էր տեղափոխում, շեղվել է գծերից, և վառելիքը ցիստեռներից դուրս է թափվել։

Դեպքի վայր են շտապել հարևան գյուղերի բնակիչները, որպեսզի հավաքեն թապված վառելիքը։ Սակայն վառելիքը հանկարծակի բռնկվել է, ընդ որում, կրակն արագությամբ տարածվել է։ Վթարի պատճառները հայտնի չեն։ Ինչպես հաղորդում է Agence France-Presse-ը, Սիկայն շրջանի իշխանությունների հետ չի հաջողվել կապվել։ Գործակալությունը նաև նշում է, որ զոհերի թիվը կարող է աճել, քանի որ, ըստ վերջին տվյալների, դեպքի վայրում փրկարարական աշխատանքները դեռ շարունակվում են։