Վրաստանի Պաշտպանության նախկին նախարարին թողեցին ճաղերի հետևում
Վերջին լուրեր
Թբիլիսիի քաղաքային դատարանը բավարարել է դատախազության միջնորդությունը՝ Պաշտպանության նախկին նախարար Բաչո Ախալայայի նկատմամբ խափանման միջոց կիրառելով նախնական կալանքը:
Նախկին նախարարի փաստաբանը հայտարարել է, որ կբողոքարկի դատարանի որոշումն առաջիկա 48 ժամվա ընթացքում:
Ծառայողական դիրքի չարաշահման մեջ մեղադրվող երկու այլ մեղադրյալներ Միացյալ շտաբի պետ Գեորգի Քալանդաձեն և ՊՆ 4-րդ հետևակային բրիգադի հրամանատար Զուրաբ Շամատավան 20 հազար լարի (12 հազար դոլար) գրավի դիմաց ազատ են արձակվել:
Դատախազությունն ավելի վաղ միջնորդել էր բոլոր 3 մեղադրյալներին ձերբակալելու համար:
«Խափանման միջոց ընտրելիս հաշվի է առնվել ներկայացված մեղադրանքների ծանրությունը և այն վտանգը, որ մեղադրյալները կարող են թաքնվել կամ ազդել վկաների վրա: Հաշվի է առնվել նաև մեղադրյալների նախկին գործունեությունը»,-հայտարարել է դատավորի խոսնակ Էկա Արեշիձեն:
Նախնական դատական նիստը կայանալու է Թբիլիսիի քաղաքային դատարանում դեկտեմբերի 25-ին:
ՈՒՂԻՂ ԵԹԵՐ
Ամենադիտված 
Տասնյակ հասցեներում ջուր չի լինի՝ հուլիսի 15-ին և 16-ին
