Ախալքալաքում բանվորները գործադուլ են հայտարարել
Վերջին լուրեր
Ախալքալաքում Բաքու-Թբիլիսի-Կարս երկաթուղային գծի կառուցման համար աշխատող բանվորները հայտարարել են գործադուլ միանգամից մի քանի պատճառով: «Ախալցխայի վերածնունդը» լրատվական կայքը տեղեկացնում է, որ նրանք տնօրինությանը մեղադրում են աշխատավարձերի ուշացման և բանվորների վրա ճնշումներ գործադրելու մեջ: Ինչպես նշել են գործադուլ անողները, իրենք երեք ամիս աշխատավարձ չեն ստացել, բացի դրանից, տնօրինությունը պարբերաբար ազատում է բանվորներին աշխատանքից:
Դեռ ս.թ. նոյեմբերի 9-ին 7 աշխատող արդեն ազատվել է աշխատանքից: Գործադուլ անողները պահանջում են իրենց աշխատավարձերը և վերականգնել հեռացված աշխատակիցներին: Ախալքալաքի երկաթուղու կառուցման համար աշխատում է 70 բանվոր, որոնցից միայն 25-ն է վրացի, իսկ մնացածը՝ ադրբեջանցի: Երկաթուղու կառուցման կառավարիչը չի ժխտում աշխատակիցների ազատման փաստը և նշում, որ այն որոշվում է ընկերության կողմից, իսկ տեղի ղեկավարությունը միայն կատարում է այդ որոշումը:
Բաքու-Թբիլիսի-Կարս երկաթուղու կառուցումը սկսվել է 2008 թվականին: Ախալքալաքում այն իրականացնում է «Ճանապարհային շինարարության» կազմակերպությունը: Այս երկաթուղու կառուցումն ավարտվելու է 2015 թվականին:
Հիշեցնենք, որ Բաքու-Թբիլիսի-Կարս երկաթուղին Հայաստանը շրջանցող նախագիծ է, որն Ադրբեջանը կապելու է Թուրքիայի հետ:
ՈՒՂԻՂ ԵԹԵՐ
Ամենադիտված 
Պարոն վարչապետ, չհասկացա` Ձեր այսօրվա խոսքը ու՞մ էր ուղղված. Արամ Սարգսյան
