Ազատվել է ՌԴ Պաշտպանության նախկին նախարարի ևս 3 տեղակալ
Վերջին լուրեր
ՌԴ ՊՆ գերագույն ղեկավարությունում հրաժարականների շարքը Սերգեյ Շոյգուի նախարար դառնալուց հետո շարունակվում է: Այս մասին հաղորդում է Комерсантъ-ը, նշելով, որ գերատեսչության նախկին նախարար Սերդյուկովի ևս երկու տեղակալ՝ Տատյանա Շևցովան և Դմիտրի Չուշկինը, պատրաստ են հրաժարական տալ:
Շևցովան, ով գերատեսչությունում պատասխանատու էր ֆինանսների և զինվորականության բնակարանային ապահովության հարցերի համար, արդեն սեփական կամքով հրաժարականի դիմում է գրել: Պարբերականի աղբյուրը հաղորդում է, որ նա հոգնել էր աշխատանքից և ցանկանում էր հեռանալ, սակայն Սերդյուկովի օրոք դա նրան չէր հաջողվում: Նրա ազատման հրամանը նախարարի աշխատակազմ կմտնի այն բանից հետո, երբ Սերգեյ Շոյգուն կգտնի փոխարինող աշխատող, ով իր վրա կվերցնի ֆինանսների և բնակարանային հարցերի պատասխանատվությունը:
Պաշտոնանկության երկրորդ թեկնածուն փոխնախարար Դմիտրի Չուշկինն է, ով պատասխանատու էր տեխնիկա-տեղեկատվական քաղաքականության համար: Նրա ազատման հրամանը դեռ պատրաստվում է:
Անատոլի Սերդյուկովի օրոք նշանակված վերջին փոխնախարար Ելենա Կոզլովայի հետագա ճակատագիրը կորոշվի գալիք շաբաթվա վերջում:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
