Հորդառատ անձրևները հեղեղել են Բուենոս Այրեսը

Հորդառատ անձրևներն Արգենտինայի մայրաքաղաք Բուենոս Այրեսում ուժեղ հեղեղների պատճառ են հանդիսացել. հաղորդում է Россия 24-ը:

Ընդամենը մի քանի ժամվա ընթացքում Արգենտինայի մայրաքաղաքը հայտնվել է ջրի տակ: Հեղեղը ծածկել է շինությունների առաջին հարկերը, չի աշխատում տրանսպորտը, իրենց աշխատանքներն են դադարեցրել մետրոն և գնացքները: Իրավիճակը հատկապես բարդացնում է կոմունալ ծառայությունների հայտարարած գործադուլը: Արդեն մեկ շաբաթ է՝ բնակելի տներից դուրս չի բերվում աղբը: Իշխանությունները խոստացել են առաջիկա ժամանակներս կարգավորել հետևանքները:

Տեղաբնակներն ավելի հոռետեսորեն են տրամադրված. նրանք կասկածում են, որ իշխանությունները կիրականացնեն իրենց տված խոստումները: