Ինդիանապոլիսյան պայթյունի պատճառների հետաքննությունը շաբաթներ կտևի

Այսօր՝ նոյեմբերի 11–ին, ամերիկյան Ինդիանա նահանգի Ինդիանապոլիս քաղաքում տեղի ունեցած պայթյունի պատճառների հետաքննությունը շաբաթներ կտևի՝ հաղորդել է WISHTV հեռուստաալիքը։ Այս մասին հայտնում է РИА Новости–ն։

Վերջին տվյալներով՝ պայթյունի հետևանքով զոհվել է 2 մարդ, 4-ը՝ ստացել տարբեր աստիճանի մարմնական վնասվածքներ և այրվածքներ, իսկ շուրջ 200 մարդ՝ տարհանվել։

Բնակելի տներին բնական գազ մատակարարող Citizens Energy ընկերության ներկայացուցչի խոսքերով՝ փորձագետները քննարկում են պայթյունի հնարավոր պատճառները, այդ թվում՝ գազի արտահոսքը։