Հայաստանում հաստատված հերթական աղանդը՝ «Հիսուսի հարսնացուն»

Միացյալ Երիտասարդական Լիգան հայտարարություն է տարածել, որում մասնավորապես ասված է. «Միացյալ Երիտասարդական Լիգան հասարակական շարժումը շարունակում է պայքարը քայքայիչ աղանդների դեմ: Այդ շրջանակներում մարտ ամսից սկսվել էր ստորագրահավաք, որը կավարտվի վաղը՝ ՀՀ նախագահական նստավայրի դիմաց:

Հարգելի հայրենակիցնե՛ր, վաղը՝ նոյեմբերի 12-ին, ժամը 12:00-15:30, տեղի կունենա ստորագրահավաք ՀՀ նախագահականի դիմաց, որը կավարտվի պահանջների հանձնումով:

Բացի այդ, Միացյալ Երիտասարդական Լիգան շարունակում է նոր բացահայտումներ անել տաբեր աղանդների վերաբերյալ. դրանցից է Հայաստանում նոր ձևավորվող աղանդը՝ «Հիսուսի հարսնացուն» եկեղեցին: Այս աղանդը նորաստեղծ աղանդ է, որը Հայաստանում սկսել է ակտիվ գործունեություն:

Այս աղանդի մասին մենք կխոսենք վաղը՝ նախագահականի մոտ՝ ժամը 15:30: Բոլոր նրանք, ովքեր կցանկանան անմասն չմնալ մեր այս պայքարից, կարող են միանալ մեզ և իրենց ստորագրությամբ հաստատեն, որ պայքարում են հանուն հայի»: