Վնասել են Դեր Զորի ցեղասպանության հուշարձան-թանգարանն ու եկեղեցին (տեսանյութ)

Սիրիայի Դեր Զոր քաղաքում գտնվող Հայոց ցեղասպանության զոհերի հիշատակին նվիրված հուշարձան-եկեղեցին, որը հայտնի է նաև որպես Սուրբ Նահատակների հայկական եկեղեցի անունով, շատ կոպիտ կերպով վնասվել է ռմբակոծությունից հետո, ինչի ապացույց են հանդիսանում հրապարակված լուսանկարները և YouTube տեղադրված տեսանյութը. գրում է The Armenian Weekly-ն:

Թանգարանը և հուշարձանը ստորին հատվածում, ուր պահվում են Հայոց ցեղասպանության զոհերի մնացորդները, ևս կարծես ավերակների են վերածվել: Անհնար է եղել պարզել ոտնահետքերից` որտեղ են տարվել մնացորդները հարձակումներից առաջ:

Դեր Զորում են տեղի ունեցել բախումներ ապստամբների և Սիրիայի զորքերի միջև: Քաղաքում ապրող մի քանի հայկական ընտանիք լքել է քաղաքն ամիսներ առաջ:

Հարյուր հազարավոր հայեր ենթարկվել են ցեղասպանության Դեր Զորում 1916թ. ամառվա ընթացքում:

Հուշարձանը բացվել է 1991-ին: