Ընտրվել է Սիրիական ազգային կոալիցիայի ղեկավար

Սիրիայում ընդդիմադիրները կիրակի օրը երեկոյան՝ նոյեմբերի 11-ին, ընտրել են Սիրիական ազգային կոալիցիայի՝ միասնական ընդդիմադիր խմբի ղեկավար. այս խմբի ստեղծման մասին հայտարարվել էր նույն օրը ավելի վաղ։ Ինչպես հաղորդում է Agence France-Presse-ը, նոր միավորման առաջնորդ է դարձել հոգևորական Ահմեդ ալ Խատիբը (Ahmed al-Khatib)։ Ալ Խաթիբը ծնունդով Դամասկոսից է, նա լքել է Սիրիան երեք ամիս առաջ։

Սիրիական ազգային կոալիցիայի փոխնախագահներ են ընտրվել Ռիադ Սեյֆը (Riad Seif)՝ հայտնի այլախոհը, ով հանդես է եկել սիրիական ընդդիմությունը համախմբելու նախաձեռնությամբ, ինչպես նաև՝ կին ընդդիմադիր գործիչ Սուհայր ալ Աթասիիին։ Կիրակի օրը ստորագրված համաձայնությունը նախատեսում է, որ Սիրիական ազգային կոալիցիան բաց կլինի բոլոր ընդդիմադիր խմբերի համար, և որ կոալիցիան կզբաղվի ժամանակավոր կառավարության կազմավորմամբ միջազգային ճանաչում ձեռք բերելուց հետո։

Ինչպես հաղորդվում էր ավելի վաղ, ՍԶԿ-ի ստեղծման մասին համաձայնությունը ստորագրվել էր Քաթարի մայրաքաղաք Դոխայում։ Կոալիցիայի մեջ ընգրկվել է նաև Սիրիական ազգային խորհուրդը։

Ընդդիմության նոր մարմինը կհամակարգի սիրիական կառավարական զորքերի դեմ ռազմական գործողությունները և ամեն կերպ կաջակցի Բաշար ալ Ասադի ռեժիմի տապալմանը։