Der Spiegel. Հունաստանը հաստատել է կոշտ տնտեսական խնայողության բյուջեն
Վերջին լուրեր
Հունաստանը հող է նախապատրաստում միջազգային կազմակերպությունների կողմից հետագա ցուցաբերվող ֆինանսական օգնություն ստանալու համար: Երկարատև վիճաբանություններից հետո Աթենքը հաստատել է 2013թ. բյուջեն երկրում զանգվածային անկարգությունների ֆոնի վրա:
Կոշտ տնտեսական միջոցառումներին ուղղված այս բյուջեն կապահովի Հունաստանի տնտեսւթյանը 10 մլդ եվրոյի խնայողություն:
Բյուջեի կրճատումը պարտադիր պայման էր Հունաստանի համար միջազգային կազմակերպությունների կողմից հետագա ֆինանսական աջակցություն ստանալու համար: Դա պահանջում էին հատկապես ԵՄ-ն և Արժույթի միջազգային հիմնադրամը: Բյուջեն նախատեսում է 9.4 մլրդ եվրոյի խնայողություն, որից 7600 մլն եվրոն՝ թոշակների և աշխատավարձերի կրճատման հաշվին:
Հունաստանի վարչապետ Անտոնիս Սամարասը արդեն նախքան քվեարկությունը ակնհայտորեն հասկացնել է տվել, որ երկիրը կանգնած է սնանկացման եզրին՝ չնայած այն ճգնաժամից դուրս բերելուն ուղղված միջազգային կազմակերպությունների գործադրած ջանքերին: Նա նշել է նաև, որ երկրի կործանմանը նպաստում են նաև Հունաստանում ծավալված ներքին ընդդիմադիր շարժումները, որոնք իրենց շեշտը դնում են Հունաստանի ֆինանսական ճգնաժամի վրա՝ հրահրելով զանգվածային անկարգությունների ծավալում երկրում:
ՈՒՂԻՂ ԵԹԵՐ
Ամենադիտված 
«Լևոն արքայի» նկատմամբ որպես խափանման միջոց է ընտրվել տնային կալանքը (տեսանյութ)
