Կական իր 100-րդ հանդիպումն անցկացրեց «Ռեալի» կազմում

«Ռեալի» կիսապաշտպան Կական, ով Իսպանիայի առաջնության 11-րդ տուրում «Լևանտեի» (2:1) հետ խաղի ժամանակ խաղադաշտ դուրս եկավ Ալվարո Արբելոայի փոխարեն, նման կերպ իր 100-րդ հանդիպումն անցկացրեց մադրիդցիների կազմում. տեղեկացնում է  Realmadridplace թվիթերի էջը:

Կական 70 հանդիպում է անցկացրել Իսպանիայի առաջնությունում, 9՝ Գավաթի խաղարկությունում, 1` Սուպերգավաթի խաղարկությունում և ևս 20 հանդիպում՝ Չեմպիոնների լիգայում:

30-ամյա բրազիլացու հաշվին գրանցվել է 25 գոլ և 25 գոլային փոխանցում: