Իրաքում մահապատժի է ենթարկվել ահաբեկչության մեջ մեղադրվող 10 մարդ

Իրաքում կիրակի օրը՝ նոյեմբերի 11-ին, մահապատժի է ենթարկվել ահաբեկչության մեջ մեղադրվող 10 մարդ։ Ինչպես հաղորդում է երկրի արդարադատության նախարարությունը, մահապատժի ենթարկվածների թվում կա նաև Եգիպտոսի քաղաքացի։ Ըստ Human Rights Watch միջազգային իրավապաշտպան կազմակերպության տվյալների՝ վերջին տարվա ընթացքում Իրաքն իրականացված մահապատիժների թվով հայտնվել է 4-րդ տեղում Չինաստանից, Իրանից և Սաուդյան Արաբիայից հետո։

ՄԱԿ-ը, Մեծ Բրիտանիան, ԵՄ-ն և միջազգային իրավապաշտպանները բազմիցս կոչ են արել իրաքյան իշխանություններին մորատորիումի դիմել մահապատիժների համար՝ հաշվի առնելով երկրի իրավական համակարգի թուլությունն ու տեղական դատարանների անթափանցիկ գործունեությունը։