Ի՞նչը նպաստեց ՀԱԿ-ի վարկանշի անկմանը

Facebook սոցցանցի օգտատեր, քաղաքական փորձագետ Տիգրան Աբրահամյանն իր էջում գրել է.

«ՀԱԿ-ի վարկանիշի անկման ու գրեթե ճգնաժամային իրավիճակի ստեղծմանն ամենից շատ նպաստեց ՀԱԿ-ի հռչակած սկզբունքները, չափից ավելի բարձր նշաձողը. արտահերթ խորհրդարանական և նախագահական ընտրությունների պահանջը: Փաստն այն է, որ այդ սկզբունքները հռչակելուց հետո որքան հերթական ընտրությունները մոտենում էին, այնքան ՀԱԿ զանգվածը նվազում էր ու այսօր, նախագահական ընտրություններին ընդառաջ ՀԱԿ-ի բոլոր ռեսուրսները կարելի է ասել սպառված են. մարդկային, ֆինանսական, գաղափարական: Խորհրդարանական ընտրություններից հետո ՀԱԿ-ն այդպես էլ չկարողացավ քաղաքական մանյովր կատարել ու վերաձևակերպել իր պահանջներն ու խնդիրները, ինչը նրանք հնարավորություն կտար գոնե նախագահական ընտրություններին համեմատաբար պատրաստ ներկայանալ: Իհարկե ՀԱԿ-ը փորձեց մարտավարական «ճշգրտումներ» մտցնել, ինչն արտահայտվում է ԲՀԿ-ի հետ մերձեցմամբ, սակայն դա և ուշացած և անհասկանալի քայլ էր, ինչի «պայթյունը» ընտրություններից հետո առավել լսելի կլինի»: