Էպոսագետը պատրաստ է վճարել Րաֆֆի Հովհաննիսյանի ընտրագրավը պայմանով

«Անցած շաբաթ մենք բոլորս իմացանք, որ Րաֆֆի Հովհաննիսյանը հայտարարեց, որ պատրաստվում է առաջադրել իր թեկնածությունը նախագահական ընտրություններում և հայտարարեց, որ ընտրագրավը կկարողանա վճարել հասարակության հանգանակության հաշվին։ Րաֆֆին հայ է, իսկ ես՝ որպես հայ մարդ, նրա հայրենակից, որոշեցի արձագանքել նրա կոչին։ Այսօր ցանկանում եմ հայտարարել, որ պատրաստ եմ վճարել նրա ընտրագրավը»։ Այս մասին լրագրողների հետ հանդիպմանն ասաց նախագահի մեկ այլ թեկնածու Վարդան Սեդրակյանը։

Բանախոսը մի պայմանով է պատրաստ վճարել Րաֆֆի Հովհաննիսյանի ընտրագրավը, եթե նա չկարողանա հաղթել ընտրություններում գործող օրենքի համապատասխան, գումարը մնում է պետությանը. նա այդ դեպքում կարող է հետ չվերադարձնել, իսկ եթե հաղթի, պետք է վերադարձնի։ Էպոսագետը վստահ է, որ Րաֆֆի Հովհաննիսյանն այն թեկնածուն է, ով խարդախությունների չի գնա և չի օգտագործի վարչական ռեսուրսը։

Վարդան Սեդրակյանը պատրաստ գումարը հանձնել Րաֆֆի Հովհաննիսյանին, եթե տեղեկանա, որ վերջինս կընդունի այն։

Նրա խոսքով՝ գումարն արդեն պատրաստ է։