ՀՀԿ անդամների մեծ մասը բանտում պետք է լիներ. Նախագահի թեկնածու

«Սերժ Սարգսյանը, եթե ցանկանում է արդարություն սահմանել, Հանրապետական կուսակցության անդամների մեծ մասը պետք է այսօր բանտերում լիներ»։ Այս մասին այսօր լրագրողների հետ հանդիպմանն ասաց էպոսագետ Վարդան Սեդրակյանը։

Վարդան Սեդրակյանը չի համարում, որ ներկայումս Հայաստանում կան ծանրակշիռ կուսակցություններ։

«Օրինակ ԲՀԿ-ն քաղաքական կուսակցություն չէ։ Այն ստեղծվեց այն ժամանակ, երբ շատ իշխանավորներ, օլիգարխներ չտեղավորվեցին Հանրապետական կուսակցությունում,  հավաքվեցին «Բարգավաճ Հայաստան» կուսակցության ներսում։ Իսկ Գագիկ Ծառուկյանը քաղաքական գործիչ չէ։ Նախագահի թեկնածուն կարծում է նաև, որ ներկայիս կուսակցություններն անուղղակի ձևով կսատարեն գործող նախագահին։

Lurer.com-ի այն հարցին, թե հնարավոր է, որ ինքը որոշի սատարել Րաֆֆի Հովհաննիսյանին առաջիկա ընտրություններում, էպոսագետը նշեց, որ բացարձակապես իր տրամաբանության մեջ չի տեղավորվում նրան սատարելու միտքը։

 «Նրան սատարելու մտադրություն երբեք չեմ ունեցել»։