The New York Times. Աֆրիկյան առաջնորդները համաձայնվել են զորքեր ուղարկել Մալի

Արևմտյան Աֆրիկայի առաջնորդները կիրակի օրը կայացած արտակարգ գագաթաժողովի ժամանակ համաձայնվել են 3300-հոգանոց զորքեր է ուղարկել հյուսիսային Մալի՝ այդ տարածքի վերահսկողությունը մահմեդական ծայրահեղականներից իրենց ձեռքում վերցնելու համար, քանզի վտանգ էր առաջանում, որ նրանք կսպառնային տարածաշրջանին. գրում է The New York Times-ը։

Նիգերիայի մայրաքաղաքում կայացած այս հանդիպումը նպատակ ուներ սահմանելու ռազմական ուժի գործադրման շեմը Մալիի հյուսիսում։ Արևմտյան Աֆրիկայի պետությունների տնտեսական համայնքի առաջնորդները մատնանշել են, որ դիվանագիտությունը մնում է ճգնաժամը լուծելու միակ նախընտրելի միջոցը, բայց նշել են, որ ուժը պետք է լինի անհրաժեշտ՝ ելնելով վտանգից։

Կոտ դ՛Իվուարի նախագահ Ալասան Օուատարան հույս է հայտնել, որ այս նախաձեռնությունը հավանության կարժանանա ՄԱԿ-ի Անվտանգության խորհրդի կողմից նոյեմբերի վերջին կամ դեկտեմբերի սկզբին։

Նրա խոսքերով՝ Մալի զորքեր են ուղարկելու Բուրկինա Ֆասոն, Գանան, Նիգերը, Նիգերիան, Սենեգալը և Տոգոն, ինչպես նաև մասնակցելու է Չադը։

«Մենք նաև կապեր ենք ունեցել այլ երկրների հետ, այդ թվում՝ Մավրիտանիայի, Հարավային Աֆրիկայի»,-նշել է նա։