«Հարսնաքարի» գործով հանձնաժողով ստեղծելու մասին օրինագծի քննարկմանը դեմ քվեարկեց ԱԺ մեծամասնությունը

Ազգային ժողովն այսօր սկսեց հերթական քառօրյան: Քառօրյայի ժամանակ քվեարկության դրվեց «2012թ. հունիսի 17-ին Երևանի «Հարսնաքար» ռեստորանային համալիրում ՀՀ Պաշտպանության նախարարության մի խումբ սպաներին դաժան ծեծի ենթարկելու, նրանցից մեկին կյանքից զրկելու հանգամանքների, ինչպես նաև 2001թ. սեպտեմբերի 25-ին տեղի ունեցած Պողոս Պողոսյանի սպանությունից հետո առավել արմատավորված անպատժելիության և ամենաթողության համար պատասխանատու և մեղսակից գործող ու պաշտոնաթող բարձրաստիճան պաշտոնյաների, նրանց հետ առնչություն ունեցող անձանց մասնակցությամբ տեղի ունեցած կյանքի և առողջության դեմ հանցագործությունների ուսումնասիրության միջոցով ՀՀ Ազգային ժողովին եզրակացություն ներկայացնելու համար ժամանակավոր հանձնաժողով ստեղծելու մասին» որոշման նախագիծը հինգերորրդ գումարման Ազգային ժողովի երկրորդ նստաշրջանի օրակարգում ընդգրկելու հարցը:

Սակայն 70 դեմ, 35 կողմ և մեկ ձեռնպահ քվեարկության արդյունքում հարցը չընդգրկվեց քառօրյայում: