Երկրաշարժ Բիրմայում. Կան զոհեր

Բիրմայում կիրակի օրը տեղի ունեցած 6.8 մագնիտուդ հզորությամբ երկրաշարժից առնվազն 12 մարդ է զոհվել։ Տեղական ժամանակով առավոտյան ժամը 8-ին 10 կմ խորության վրա երկրաշարժը հարվածել է Մանդալայ քաղաքից 117 կմ հեռավորության վրա գտնվող հատվածներին։ Երկրաշարժի ցնցումը զգացվել է նաև հարևան Թաիլանդի մայրաքաղաք Բանգկոգում։ Գրանցվել է հետերկրաշարժային մի քանի ցնցում։

Երկրաշարժի էպիկենտրոնի մոտ գտնվող բնակավայրերը շատ հետամնաց են, և այստեղից ստացվող լուրերը՝ շատ հակասական։

Փլուզվել է կիսակառույց մի կամուրջ, ինչի հետեւանքով նրա վրա գտնվող բանվորներն ընկել են Իրրավադի գետը։ Նրանց հայտնաբերել դեռևս հնարավոր չի եղել և կան ենթադրություններ, որ նրանք զոհվել են։
Երկրաշարժը տեղի է ունենում ԱՄՆ-ի նախագահ Բարաք Օբամայի կողմից այս երկիր այցից մի քանի օր առաջ։ Օբաման վերջերս հայտարարեց, թե ծրագրում է այցելել տասնամյակներ շարունակ ռազմական բռնակալության ներքո կառավարված, այսօր ժողովրդավարության ուղին բռնած այս երկիր։