Հայաստանի պատվիրակությունն Իսրայելից վերադարձավ 6 մեդալով
Վերջին լուրեր
Իսրայելի Էյլաթ քաղաքում ավարտվեց ծանրամարտի համաշխարհային ուսանողական երրորդ առաջնությունը:
94 կգ քաշայինների պայքարում արծաթե պարգևի արժանացավ Վարդան Դավթյանը: Նա միայն անձնական ծանր քաշի պատճառով զիջեց մրցակցին՝ ռուս Եգոր Կլիմանովին: Երկու ծանրորդներն էլ երկամարտում ցույց տվեցին միևնույն՝ 377 կգ արդյունք , սակայն հաղթողի կոչմանն արժանացավ Կլիմանովը:
Վերջին օրը պայքարի մեջ մտած գերծանրքաշայինների մրցավեճին մասնակցում էին նաև մեր երկրի երկու պատվիրակներ: Այստեղ էլ կրկնվեց նախորդ քաշային կարգի սցենարը: Հայկ Հակոբյանը և ռուսաստանցի Էդուարդ Մեժգիկովը երկամարտում «սանձեցին» 402 կգ: Մեր մարզիկը բավարարվեց «արծաթով», քանզի դեր խաղաց անձնական քաշի գործոնը:
Անդրանիկ Հովհաննիսյանը բավարարվեց չորրորդ տեղով /355 կգ/:
Այսպիսով ՀՀ վաստակավոր մարզիչ Պողոս Պողոսյանի գլխավորած հավաքականի ութ ծանրորդներից վեցը համաշխարհային ուսանողական առաջնությունում արժանացան մեդալների /4 արծաթե, 2 բրոնզե/։
Տեղեկացնում է ՀԱՕԿ–ի լրատվության բաժինը:
ՈՒՂԻՂ ԵԹԵՐ
Ամենադիտված 
Հրապարակվել է սպանված Խամենեիի նստավայրի լուսանկարները (Ֆոտոշարք)
