ԶԼՄ-ներ. Բրազիլական Սան Պաուլու քաղաքում վերջին 14 օրվա ընթացքում սպանվել է 140 մարդ

Բրազիլական Սան Պաուլու քաղաքում գրանցվել է հանցագործությունների թվի ռեկորդային աճ. վերջին երկու շաբաթների ընթացքում սպանվել է առնվազն 140 մարդ։ Այս մասին հաղորդում է Guardian-ը։

Միայն շաբաթ օրը գիշերը ոստիկանները հաղորդել են 14 սպանվածի և 12 վիրավորի մասին։ Այսպես, մոտոցիկլիստը մտել է քաղաքի սեփական տներից մեկը և սպանել է երկու մարդու, իսկ որոշ ժամանակ անց իրավապահ մարմինների աշխատակիցները հայտնաբերել են տղամարդու դի՝ փամփուշտը գլխում։

Պարբերականը նշում է, որ հանցագործությունների այս ալիքը դարձել է ավտոբուսների երթուղիների և դպրոցների փակման ժամերի փոփոխությունների պատճառ։

Ըստ Guardian-ի տվյալների՝ սպանությունները կապված են ոտիկանությանը պատերազմ հայտարարած հանցավոր խմբավորումների հետ, իսկ իրավապահ մարմինները հայտարարում են, որ սպանություններից շատերը պատվիրված էին մայրաքաղաքային առաջին հանցավոր խմբի կողմից՝ ի պատասխան այն քայլերի, որ ձեռնարկում էին իրենց թմրաբիզնեսին խանգարելու համար։