Ավտովթարից հետո վարորդները ծեծել են իրար

Նոյեմբերի 10-ին` ժամը 19.50-ին, ոստիկանության Մաշտոցի բաժնում հաղորդում է ստացվել, որ 15-րդ թաղամասում ավտոմեքենաներ են բախվել, ինչի հետևանքով ծեծկռտուք է տեղի ունենում:

Նույն օրը, ժամը 23.00-ին, ՌԴ քաղաքացի, 1972 թ. ծնված Միխայիլ Տ.-ն հաղորդում է տվել, որ ժամը 19.30-ին Շիրազի փողոցում նկատել է իրար բախված մաքենաներ, մոտեցել է պարզելու, թե ինչ է պատահել, սակայն վթարի մասնակիցներ' 1975 թ. ծնված Արմեն Գ.-ն և 1976 թ. ծնված Կարեն Հ.-ն վիճաբանել են իր հետ, ձեռքերով հարվածել և պատճառել մարմնական վնասվածքներ:

Արմեն Գ.-ն և Կարեն Հ.-ն բերման են ենթարկվել բաժին:

Նշանակվել է դատաբժշկական փորձաքննություն:

Ոստիկանությունից հաղորդում են, որ կատարվում է հետաքննություն: