Բարսելոնան կտուգանվի ուշանալու համար

Կատալոնական «Բարսելոնան», հնարավոր է, տուգանվի անպարտաճանաչության համար: Կատալոնացիներն Իսպանիայի առաջնության 11-րդ տուրում «Իմբերոստար Էստադի» մարզադաշտ են ժամանել ոչ ճիշտ ժամանակին: Նշենք, որ կապտանռնագույններն այդ խաղում «Մալյորկային» հաղթել են 4:2 հաշվով:

Ըստ կանոնակարգի՝ թիմն ամբողջ կազմով մարզադաշտ պետք է ներկայանա խաղի մեկնարկից 1 ժամից ոչ ուշ, սակայն Վիլանովայի սաները մարզադաշտ են եկել հանդիպման մեկնարկից մի քանի րոպե առաջ: Հնարավոր տուգանքի չափը դեռ հայտնի չէ: Սակայն առաջնության 6-րդ տուրում «Սանչես Պիսխուանա» մարզադաշտ ուշ ժամանելու համար թիմը տուգանվել է 200 եվրո. տեղեկացնում է Sport.es-ը: